Sunday, October 15, 2017

பதிலிகள்


நேசம் என்பதன் பொருள்
புரிவதாக இல்லை
சரியும் போது
தாங்காத நேசங்கள்
மார் தட்டிக் கொள்கின்றன
நம் நிமிர்தலின் போது
தாழ்வில்
பயத்தோடு இருந்த நேசங்கள்
வாழ்வில்
பரவசப் படுவதாக நடிக்கின்றன
இல்லாத ஒன்று
சொல்லாமல் தெரிந்து விடுகின்றது
என்பதைப் புரிந்தும்
கண்டு கொள்வதில்லை
சில நேசங்கள்
பதிலிகளை எதிர்ப்பார்த்தே
சில நேசங்கள்
பரிகாசம் செய்வதற்கே
சில நேசங்கள்
இன்று நேசமாக இருக்கும் எதுவும்
அன்று நேசமாக இருந்ததில்லை
இருந்தாலும்
நெகிழும் போது விலகி
மகிழும் போது நெருங்கும்
நேசங்களோடும்
முரண்பட முடிவதில்லை
அன்றையும் இன்றையும்
அசை போட்டவாறு
உண்பதைப் போல
உடுப்பதைப் போல
நேசித்தும்
தொலைக்க வேண்டியுள்ளது
நேரம் தவறாமல்

1 comment: